२ पुस २०७५ , सोमवार

काठमाडाैं उपत्यकामा चिसाे बढ्याे, न्युनतम तापक्रम २.५ डिग्री

काठमाडौं : उपत्यकामा सोमबार बिहान अहिलेसम्मकै कम तापक्रम मापन भएको छ। न्युनतम तापक्रम २.५ डिग्री सेल्सियसमा झरेको हो।

बंगालको खाडीको दक्षिण(पश्चिम क्षेत्रमा ‘फेथाइ’ नामको समुद्री आँधी आएकाले त्यसको प्रभाव नेपालमा परेको मौसमविद् राजु प्रधानांगले जनाए।

फेथाइ’ उत्तरपश्चिम दिशातर्फ सरिरहेका कारण नेपालमा सोमबार र मंगलबार देशको पूर्वी र मध्य क्षेत्रमा सामान्यदेखि पूर्णतया बदली हुने र केही भागमा हल्का वर्षा हुने बताइएको छ।

पश्चिमी क्षेत्रहरुमा आंशिक बदली भई केही स्थानमा क्षणिक वर्षा हुने सम्भावना रेको प्रधानांगले बताए। उच्च हिमाली क्षेत्रमा हल्कादेखि मध्यम खालको हिमपात पनि हुने बताइएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।