१४ मंसिर २०७५ , शुक्रबार

कर्मचारीलाई कम्पनीले गर्भपतन गर्न आदेश दिएपछि…

चाइनाः चीनको एक निजी कम्पनीले आफ्ना गर्भवती कर्मचारीलाई गर्भपतन गराउन भनेपछि कम्पनीमा पूरै सन्नाटा छाएको छ । शिजाजुआंग प्रान्तस्थित एउटा बैंकले गर्भवती भएका आफ्ना महिला कर्मचारीलाई तत्कालै गर्भपतन नगरेमा गम्भीर परिणाम भोग्नुपर्ने चेतावनी समेत दिएको खबर बाहिर आएको छ ।

गर्भवती हुनु अगाडि कम्पनी व्यवस्थापनलाई पूर्व जानकारी नगराएको भन्दै उक्त बैंकले गर्भवती महिला कर्मचारीलाई यस्तो चेतावनी दिएको हो ।

उक्त बैंकले जनाए अनुसार सबै महिला कर्मचारीहरुले वर्षको सुरुमा एउटा फारम भर्नुपर्दछ । उक्त फारममा यस वर्ष गर्भाधारण गर्ने योजना भए–नभएको खुलाउनु पर्दछ र गर्भाधारणको योजना भएमा सोही व्यहोरा खुलाएर फाराम स्वीकृत गराउनु पर्दछ । महिला कर्मचारीले साे नियमकाे पालना नगरेकाे अाराेप बैंककाे छ ।

एजेन्सीकाे सहयाेगमा