मुटु अस्पतालमा अत्याधुनिक सिटी स्क्यान उपकरण
बुटवल : गौतमबुद्ध सामुदायिक मुटु अस्पताल बुटवलमा अत्याधुनिक सिटी स्क्यान उपकरण भित्रिएको छ। उपकरणले ‘सीटीए कोरोनरी’ स्पष्ट रूपमा देखाउने र मुटुमा जाने नसामा देखिने समस्या पत्ता लगाउन सहज हुने अस्पतालका रेडियोलोजिस्ट डा.अजिज उल्लाहले जानकारी दिए।
सात करोड रूपैयाँ लगानीमा भित्र्याइएको उक्त उपकरणबाट मुटुबाहेक, मिर्गौला, फोक्सो, टाउको, घुँडालगायत शरीरको विभिन्न अंगकाे सिटी स्क्यान गर्न मिल्ने बताइएको छ। डा. उल्लाहले मुटुसँग जोडिएका नसाको अवस्थाका बारेमा पनि सिटी स्क्यानबाट जानकारी लिन सकिने बताए।
मुटु अस्पतालमा गुल्मी, अर्घाखाँची, पाल्पा, कपिलवस्तु, नवलपरासी, रुपन्देही, बाँके, बर्दिया, रोल्पा, रुकुमलगायत जिल्लाबाट सेवाग्राही आउँछन्। रोटरी क्लब अफ सेन्ट्रल बुटवल र रोटरी क्लब अफ सेन्ट्रल लुम्बिनीको सहयोगमा भित्रिएको सो उपकरण शनिबार प्रदेश ५ का प्रमुख उमाकान्त झाले उद्घाटन गर्नेछन्।





अफ्रिकामा महिलाका अधिकारमाथि चुनौती, ‘मापुटो प्रोटोकल’ बचाउन आह्वान
एमडीएच फर्मास्युटिकल्सलाई क्वालिटी अचिभमेन्ट अवार्ड
ल्वाङलाई औषधिको रुपमा कसरी प्रयोग गर्ने ?
नेपाली औषधि कम्पनी म्याग्नस फार्मा अन्तर्राष्ट्रिय गुणस्तर अवार्डबाट सम्मानित
क्यान्सर बिजेताहरुको एउटै आवाज -‘क्यान्सरलाई जित्न सकिन्छ’