८ कार्तिक २०७५ , बिहिबार

‘केमोथेरापी’ र ‘इम्युनोथेरापी’ सँगै दिए ‘ट्रिपल नेगेटिभ’ स्तन क्यान्सर’का बिरामीलार्इ राहत

एक अनुसन्धानले ‘केमोथेरापी’ र ‘इम्युनोथेरापी’ सँगै दिए ‘ट्रिपल नेगेटिभ’ स्तन क्यान्सर’को बिरामीको बाँच्ने दर बढ्ने देखिएको छ।

बेलायतको लण्डनस्थित क्विन म्यारी विश्वविद्यालय’, र ‘सेन्ट बार्थोलोम्युज अस्पताल’का अनुसन्धानकर्ताहरूका अनुसार यो प्रक्रियाले बिरामीको बाँच्ने दर १० महिनाले बढाउँछ भने मृत्यु हुने सम्भावना घटार्इ रोग फैलिने सम्भावना ४० प्रतिशतले घट्छ।

ट्रिपल नेगेटिभ स्तन क्यान्सर सबैभन्दा असामान्य र प्राणघातक हो। धेरैजस्तो अवस्थामा यो क्यान्सरमा केमोथेरापी काम नगर्ने र शरीरभरि फैलिने सम्भावना हुन्छ।

इम्युनोथेरापीले शरीरको रोगसँग लड्ने क्षमतालाई बढाउँछ। केमोथेरापी सँगै इम्युनोथेराप दिए ट्रिपल नेगेटिभ स्तन क्यान्सरको ‘ट्युमर’लाई बढ्न दिँदैन।