११ साउन २०७८ , सोमवार

विदेश जानेले काठमाडौंका यी दुई अस्पतालमा गएर खोप लगाउन सक्ने

हेल्थ टिभी अनलाइन \काठमाडौं : विदेश जानेले अबदेखि काठमाडौंको नेपाल प्रहरी अस्पताल र सैनिक अस्पतालमा गएर कोरोना खोप लगाउन सक्ने भएका छन्।

स्वास्थ्य तथा जनसंख्या मन्त्रालयले विदेश जाने श्रमिक तथा विद्यार्थीले आफनो भिसा र पासपोर्ट देखाएर नेपाल प्रहरी अस्पताल र सैनिक अस्पताल गएर खोप लगाउन सक्ने जनाएको छ। विदेश जानेलाई सरकारले यसअघि नै कोरोना खोपको प्राथमिकताको सूचीमा राखेको छ ।

यसैगरी काठमाडौंको सामाखुशीस्थित राधास्वामी आइसोलेसन सेन्टर पनि स्थायी खोप केन्द्र बनेको छ । अब विभिन्न समयमा लक्षित समूहले स्वास्थ्य कार्यालयले तोके बमोजिम राधास्वामी आइसोलेसन सेन्टरमा गएर खोप लगाउन सक्ने मन्त्रालयले जनाएकाे छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।