हेल्थ टिभी अनलाइन \काठमाडौं : देशभर पछिल्लो २४ घण्टामा २२ सय ३७ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा १३ हजार ८३४ जनामा परीक्षण गर्दा २२ सय ३७ जनामा कोरोना पुष्टि भएको हो । यसैगरी गत २४ घण्टामा १८ जना कोरोना संक्रमितको मृत्यु भएको मन्त्रालयले जनाएको छ ।

योसँगै देशभर कोरोना संक्रमण भएर ज्यान गुमाउनेको संख्या ९ हजार ७१३ पुगेको छ । यसैगरी पछिल्लो २४ घण्टामा २ हजार ५० जना कोरोना संक्रमित निको भएर डिस्चार्ज भएका छन्।

नेपालमा हाल सक्रिय कोरोना संक्रमितको संख्या २७ हजार २२८ रहेको छ ।