हेल्थ टिभी अनलाइन \काठमाडौं : चीनबाट कोरोना विरुद्धको ८ लाख डोज भेरोसेल खोप आज नेपाल आइपुग्ने भएको छ ।

चीनको वेइजिङबाट नेपाल एयरलाइन्सको वाइडबडी जहाजबाट आठ लाख डोज खोप आज दिउँसो काठमाडौं आइपुग्ने स्वास्थ्य मन्त्रालयले जनाएको छ ।

सरकारले चीन सरकारसँग ४० लाख डोज खोप खरिद सम्झौता गरेकोमा यसअघि १६ लाख डोज आइसकेको छ । सोही सम्झौता अनुसार आज थप ८ लाख डोज आउन लागेको हो । सरकारले १५ गतेसम्म चीनबाट खरिद गरिएको सबै खोप ल्याइसक्ने बताएको छ ।

यसअघि चीन सरकारले दुईपटक गरेर १८ लाख भेरोसेल खोप अनुदानमा दिइसकेको छ । यसैगरी थप १६ लाख डोज खोप सहयोग गर्ने घोषणा पनि गरेको छ ।