१ साउन २०७८ , शुक्रबार

फेरि बढ्दै कोरोना संक्रमण : पछिल्लो २४ घण्टामा २९३६ संक्रमित थपिए, ४३ जनाको मृत्यु

हेल्थ टिभी अनलाइन \काठमाडौं : नेपालमा कोरोना संक्रमितको संख्या फेरि बढ्न थालेको छ ।

पछिल्लो २४ घण्टामा देशभर ४३ जना कोरोना संक्रमितको मृत्यु भएको छ भने २९ सय ३६ जना नयाँ संक्रमित थपिएका छन्। स्वास्थ्य तथा जनसंख्या मन्त्रालयका अनुसार योसँगै देशमा कोरोना संक्रमणबाट मृत्यु हुनेको संख्या ९ हजार ५०६ पुगेको छ । यसैगरी पीसीआर विधिबाट कोरोना पुष्टि हुनेको कुल संख्या ६ लाख ६४ हजार ५७६ पुगेको छ ।

आज मात्रै १७ सय ७५ जना संक्रमित निको भएर डिस्चार्ज भएको मन्त्रालयले जनाएको छ । देशभर सक्रिय कोरोना संक्रमित २६ हजार ८२७ जना रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।