२५ असार २०७८ , शुक्रबार

चीनबाट खरिद गरिएको ४० लाखमध्ये ८ लाख डोज भेरोसेल खोप आइपुग्यो

हेल्थ टिभी अनलाइन \काठमाडौं : चीनबाट खरिद गरिएको कोरोना विरुद्धको खोप पहिलो खेपमा आठ लाख डोज नेपाल आइपुगेको छ ।

नेपाल एयरलाइन्सको जहाजबाट शुक्रबार बिहान भेरोसेलको आठ लाख डोज खोप नेपाल आइपुगेको हो । सरकारले चीनको वेइजिङमा रहेको सिनोफार्म कम्पनीसँग ४० लाख डोज खोप खरिदको ‘नन डिस्क्लोजर’ सम्झौता गरेको थियो । सोही सम्झौता अनुसार भेरोसेल खोपको पहिलो खेपमा ८ लाख डोज खोप शुक्रबार बिहान काठमाडौं ल्याइएको हो ।

अरु थप दुई खेपमा गरी ४० लाख डोज खोप ल्याइने स्वास्थ्य मन्त्रालयका प्रवक्ता डा कृष्ण पौडेलले जनाए । उक्त खोप प्राथमिकताका आधारमा चाँडै नै लगाउन सुरु गरिने पनि उनले जनाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।