हेल्थ टिभी अनलाइन \काठमाडौं : पछिल्लो २४ घण्टामा देशभर२७ सय ६० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा देशभर १० हजार ९८५ जनामा कोरोना परीक्षण गर्दा २७ सय ६० जनामा संक्रमण देखिएको हो ।

यसैगरी गत २४ घण्टामा ३३ जना कोरोना संक्रमितको मृत्यु भएको छ । योसँगै देशभर कोरोना संक्रमण भएर ज्यान गुमाउनेको संख्या ९ हजार १४५ पुगेको छ । उता गत २४ घण्टामा ४ हजार १७ जना संक्रमित निको भएर डिस्चार्ज भएको मन्त्रालयले जनाएको छ । हालसम्म पीसीआर विधिबाट परीक्षण गरिएकोमा ६ लाख ४० हजार ६६२ जनामा कोरोना पुष्टि भएको छ भने एन्टिजेनबाट गरिएको परीक्षणमा ३५ हजार ८४७ जनामा संक्रमण पुष्टि भएको मन्त्रालयको तथ्यांकमा उल्लेख छ ।

नेपालमा कोरोना संक्रमणबाट निको हुने दर ९३ दशमलब ७ प्रतिशत रहेको छ । हाल देशभर ३१ हजार ३६८ जना सक्रिय संक्रमित रहेका छन्।