११ असार २०७८ , शुक्रबार

पछिल्लो २४ घण्टामा २४७६ संक्रमित थपिए, २७ जनाको मृत्यु

हेल्थ टिभी अनलाइन \काठमाडौं : पछिल्लो २४ घण्टामा देशभर २४ सय ७६ कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार
पछिल्लो २४ घण्टामा १४ हजार ३५१ जनाको कोरोना परीक्षण गर्दा थप २४ सय ७६ जनामा कोरोना पुष्टि भएको हो ।

यसैगरी गत २४ घण्टामा देशभर २७ जना कोरोना संक्रमितको मृत्यु भएको छ । योसँगै देशभर कोरोना संक्रमण भएर ज्यान गुमाउनेको संख्या ८ हजार ९४५ पुगेको छ । उता कुल संक्रमितको संख्या पीसीआर विधीबाट परीक्षण गर्दा ६ लाख ३१ हजार १५२ र एन्टिजेट विधीबाट परीक्षण गर्दा ३० हजार ६८९ रहेको छ । यसैगरी आज ५ हजार ४५५ जना संक्रमित निको भएर डिस्चार्ज भएको मन्त्रालयले जनाएको छ ।

हालसम्म ५ लाख ७६ हजार ४१३ जना संक्रमणमुक्त भएका छन्। नेपालमा कोरोना संक्रमणबाट निको हुने दर ९१ दशमलब ३ प्रतिशत रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।