९ असार २०७८ , बुधबार

ललितपुर महानगरमा आज कोभिशिल्ड खोपको दोस्रो डोज लगाइँदै

हेल्थ टिभी अनलाइन\ काठमाडौं : ललितपुर महागरपालिकामा आज कोरोना विरुद्धको कोभिशिल्ड खोपको दोस्रो डोज लगाइँदै छ ।

बिहान १० बजेदेखि अपराह्न ४ बजेसम्म पहिलो खोप लगाएका महानगरवासीलाई खोप लगाउन लागिएको भन्दै महानगरले सूचना जारी गरेको छ । खोप लगाउनका लागि सम्बन्धित वडा कार्यालयको सिफारिस, पहिलो डोज खोप लगाएको कार्ड र उमेर खुल्ने प्रमाणपत्रसमेत लिएर उपस्थित हुनु पर्ने महानगरले जनाएको छ ।

यसअघि पहिलो डोज लगाएका ७७ वर्षमाथिका २२ सय २० जना ज्येष्ठ नागरिकका साथै जनप्रतिनिधि, कर्मचारी तथा स्वास्थ्य स्वयमसेवकहरु गरी २५ सय जनाले कोभिशिल्डको दोस्रो डोज खोप लगाउन पाउनेछन् ।

खोप लगाउनका लागि ८ वटा केन्द्र तोकिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।