हेल्थ टिभी अनलाइन \काठमाडौं :  देशभर पछिल्लो २४ घण्टामा थप २७ सय ६८ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा १३ हजार ३७ जनाको परीक्षण गरिएकोमा २७ सय ६८ जनामा कोरोना पुष्टि भएको हो । योसँगै देशभर कुल कोरोना संक्रमितको संख्या ६ लाख १७ हजार ९४७ पुगेको छ । यीमध्ये ५ लाख ४९ हजार ६८२ जना संक्रमित निको भइसकेका छन्।

उता कोरोना संक्रमण भएर गत २४ घण्टामा ४४ जनाको मृत्यु भएको मन्त्रालयले जनाएको छ । योसहित नेपालमा कोरोना संक्रमणबाट ज्यान गुमाउनेको संख्या ८ हजार ६४१ पुगेको छ । गत २४ घण्टामा ४ हजार २० जना संक्रमणमुक्त भएका छन्।

हाल देशभर ५९ हजार ६२४ जना सक्रिय संक्रमित रहेका छन्।