हेल्थ टिभी अनलाइन \काठमाडौं : देशभर पछिल्लो २४ घण्टामा २७ सय ४५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १३ हजार २९० जनाको परीक्षण गर्दा २७ सय ४५ जनामा कोरोना पुष्टि भएको हो । योसँगै देशभर कोरोना संक्रमितको संख्या ६ लाख १२ हजार २०२ पुगेको छ । यीमध्ये हालसम्म ५ लाख ४० हजार ४३९ जना संक्रमणमुक्त भइसकेका छन्।

मन्त्रालयका अनुसार आज देशभर ४१ जना कोरोना संक्रमितको मृत्यु भएको छ । योसहित कुल मृत्यु हुने संक्रमितको संख्या ८ हजार ५०६ पुगेको छ । गत २४ घण्टामा ४ हजार १८७ जना निको भएको मन्त्रालयले जनाएको छ ।

हाल देशभर सक्रिय संक्रमितको संख्या ६३ हजार २५७ रहेको छ ।