२९ जेष्ठ २०७८ , शनिबार

थप ३३८४ जनामा कोरोना पुष्टि, ६१ जनाको मृत्यु

हेल्थ टिभी अनलाइन \काठमाडौं : पछिल्लो २४ घण्टामा देशभर थप ३ हजार ३८४ जनामा कोरोना संक्रमण पुष्टि भएको छ । गत २४ घण्टामा १४ हजार ४९४ पीसीआर परीक्षण गर्दा ३ हजार ३८४ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।

योसँगै देशभर कुल कोरोना संक्रमितको संख्या ६ लाख ६ हजार ७७८ पुगेको छ । उता यीमध्ये ५ लाख २७ हजार १११ जना भने संक्रमणमुक्त भइसकेका छन्। आज मात्रै ६ हजार २९५ जना कोरोना जितेर घर फर्किएका छन्।

मन्त्रालयका अनुसार पछिल्लो २४ घण्टामा थप ६१ जना संक्रमितको मृत्यु भएको छ । यो सहित नेपालमा कोरोना संक्रमण भएर ज्यान गुमाउनेको संख्या ८ हजार ३६६ पुगेको छ । हाल देशभर ७१ हजार ३०३ जना सक्रिय संक्रमित होम तथा संस्थागत आइसोलेसनमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।