२६ जेष्ठ २०७८ , बुधबार

थप ४ हजार ३४४ जनामा कोरोना संक्रमण, ८१ जनाको मृत्यु

हेल्थ टिभी अनलाइन \काठमाडौं : पछिल्लो २४ घण्टामा देशभर थप ४ हजार ३४४ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा कृष्णप्रसाद पौडेलका अनुसार पछिल्लो २४ घण्टामा ४ हजार ३४४ जनामा कोरोना पुष्टि भएको हो ।

गत २४ घण्टामा पीसीआर विधिबाट १० हजार ७४ जनाको र एन्टिजेन विधिबाट ४ हजार ५६८ जनाको परीक्षण गरिएको थियो । मन्त्रालयका अनुसार गत २४ घण्टामा उपत्यकामा ९१५ जना नयाँ संक्रमित थपिएका छन्। उता देशभर आज ८१ जना कोरोना संक्रमितको मृत्यु भएको छ ।

अहिले देशभर ८० हजार ३३६ सक्रिय संक्रमित रहेका छन्। यीमध्ये १३ सय १२ जना आइसीयूमा र ३७५ जना भेन्टिलेटरमा उपचाररत रहेको मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।