५ जेष्ठ २०७८ , बुधबार

आज एकैदिन २४६ जनाको कोरोनाबाट मृत्यु, ८ हजार १७३ संक्रमित थपिए

हेल्थ टिभी अनलाइन \काठमाडौं : नेपालमा आज एकैदिन कोरोना संक्रमणबाट २४६ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार आज एकैदिन देशभर २४६ जनाको कोरोना संक्रमण भएर मृत्यु भएको हो । योसँगै देशभर कोरोना संक्रमणबाट ज्यान गुमाउनेको संख्या ५ हजार ६५७ पुगेको छ । उता पछिल्लो २४ घण्टामा देशभर २१ हजार ८४७ जनाको कोरोना परीक्षण गर्दा ८ हजार १७३ जनामा संक्रमण पुष्टि भएको छ ।

योसहित देशमा कुल कोरोना संक्रमितको संख्या ४ लाख ८० हजार ४१८ पुगेको छ । यीमधध्ये ३ लाख ६० हजार ४०३ जना निको भएका छन्। आज कोरोना जितेर निको हुनेको संख्या ७ हजार ९८९ छ ।

हाल देशभर १ लाख १४ हजार ३५८ जना सक्रिय संक्रमित आइसोलेसनमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।