५ जेष्ठ २०७८ , बुधबार

बाँकेमा पछिल्लो १३ घण्टामा १७ जना कोरोना संक्रमितको मृत्यु

हेल्थ टिभी अनलाइन \बाँके : कोरोनाको हटस्पट बाँकेमा कोरोना संक्रमणबाट पछिल्लो १३ घण्टामा १७ जनाको मृत्यु भएको छ । भेरी अस्पताल र नेपालगञ्ज मेडिकल कलेजमा गरी १७ जना कोरोना संक्रमितको मृत्यु भएको हो ।

जिल्ला कोभिड -१९ संकट व्यवस्थापन केन्द्रका फोकल पर्सन तेज ओलीका अनुसार भेरी अस्पतालमा ९ जना र नेपालगञ्ज मेडिकल कलेजमा उपचाररत ८ जना कोरोना संक्रमितको हिजो साँझ यता मृत्यु भएको हो ।

यसरी मृत्यु हुनेहरुमा २७ वर्षदेखि ८४ वर्ष उमेरसम्मका रहेको वलीले जनाए । योसँगै बाँकेमा हालसम्म २५३ जनाको र बाहिर जिल्लाबाट बाँकेमा उपचार गराउन आएर उपचारका क्रममा मृत्यु हुनेको सख्या २०९ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।