३१ बैशाख २०७८ , शुक्रबार

डाक्टरको सिफारिस बाहेक घरमा अक्सिजन सिलिण्डर नराख्न स्वास्थ्य मन्त्रालयको आग्रह

हेल्थ टिभी अनलाइन \काठमाडौं : स्वास्थ्य तथा जनसंख्या मन्त्रालयले डाक्टरको सिफारिस बाहेक अक्सिजन सिलिण्डर घरमा नराख्न सर्वसाधारणलाई आग्रह गरेको छ ।

मन्त्रालयले आज एक विज्ञप्ति जारी गर्दै कोरोना संक्रमितको उपचारमा अक्सिजनको महत्वपूर्ण भूमिका रहेको भन्दै कसैले पनि घरमा सिलिण्डर आफू खुशी नराख्न र भएका सिलिण्डर पनि नजिकको अस्पताल वा स्थानीय प्रशासनमा उपलब्ध गराउन आग्रह गरेको हो । मन्त्रालयले बिहिबार बसेको मुख्यसचिव स्तरको बैठकले यस्तो निर्णय गरेकाले सोही बमोजिम गर्न सबैलाई अनुरोध गरेको जनाएको छ ।

पछिल्लो समय बजारमा अक्सिजनको कमी भएपछि केही व्यक्तिहरुले पहुँचका आधारमा आफूलाई आवश्यक पर्नसक्ने भन्दै अक्सिजन सिलिण्डर जगेडा गरेर राख्न थालेका छन्। जसले गर्दा बजारमा सिलिण्डरको पनि अभाव भइरहेको मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।