२८ बैशाख २०७८ , मङ्लबार

नेपालमा भयावह बन्दै कोरोना संक्रमण : आज एकैदिन २२५ संक्रमितको मृत्यु

हेल्थ टिभी अनलाइन \काठमाडौं : देशभर पछिल्लो २४ घण्टामा अहिलेसम्मकै उच्च २२५ जनाको कोरोना संक्रमणबाट मृत्यु भएको छ ।

स्वास्थ्य तथा जनसंख्या मन्त्रालयका अनुसार आज देशभरमा २२५ जना कोरोना संक्रमितले ज्यान गुमाएका हुन्। योसँगै हालसम्म कोरोनाबाट ज्यान गुमाउनेको संख्या ४ हजार ८४ पुगेको छ ।

उता पछिल्लो २४ घण्टामा ९ हजार ४८३ जना नयाँ संक्रमित थपिएको मन्त्रालयले जनाएको छ । आज थपिएका संक्रमित सहित देशमा कुल कोरोना संक्रमितको संख्या ४ लाख १३ हजार १११ पुगेको छ । यीमध्ये ३ लाख १२ हजार १९ जना निको भइसकेका छन्। गत २४ घण्टामा २१ हजार३१६ जनाको कोरोना परीक्षण गरिएको थियो ।

आज मात्रै ५ हजार २२५ जना संक्रमणमुक्त भएर डिस्चार्ज भएका छन्। हाल देशभर सक्रिय कोरोना संक्रमितको संख्या ९७ हजार ८ रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।