२६ बैशाख २०७८ , आइतवार

कोरोनाको लक्षण भएका र कन्ट्याक्ट ट्रेसिङमा परेकाको नि:शुल्क परीक्षण हुने

हेल्थ टिभी अनलाइन\ काठमाडौं : स्वास्थ्य तथा जनसंख्या मन्त्रालयले कोरोनाको लक्षण भएका र कन्ट्याक्ट ट्रेसिङमा परेकाको अबदेखि नि:शुल्क पीसीआर परीक्षण गर्ने भएको छ ।

मन्त्रालयका प्रवक्ता डा जोगेश्वर गौतमले अबदेखि सरकारी प्रयोगशालामा कोरोनाको लक्षण भएका र कन्ट्याक्ट ट्रेसिङमा परेकाको नि:शुल्क परीक्षण हुने बताएका हुन्।

उनले आज भएको प्रेस ब्रिफिङमा लक्षणसहितका बिरामी र कन्ट्याक्ट ट्रेसिङमा परेकाहरुले अब सरकारी प्रयोगशालामा शुल्क तिर्न नपर्ने गरी मन्त्रालयले निर्णय गरेको जनाए ।

यसअघि पीसीआर परीक्षणको सरकारी अस्पतालमा १ हजार रुपैयाँ शुल्क तोकिएको थियो भने निजी प्रयोगशालामा २ हजार रुपैयाँ शुल्क तोकिएका थियो ।

हाल देशभर ८७ वटा पीसीआर परीक्षण गर्ने प्रयोगशाला रहेकोमा ५१ वटा सरकारी र ३६ वटा निजी स्तरबाट संचालित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।