२६ बैशाख २०७८ , आइतवार

२४ घण्टामा ४ हजार २२ जनाले जिते कोरोना, ८३२ जना आइसीयूमा र २६७ जना भेन्टिलेटरमा

हेल्थ टिभी अनलाइन \काठमाडौं : पछिल्लो २४ घण्टामा ४ हजार २२ जना कोरोना संक्रमित संक्रमणमुक्त भएका छन्। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर ४ हजार २२ जनाले कोरोना भाइरसलाई जितेर डिस्चार्ज भएका छन्।

उता यहीवीच ८३२ जना सिकिस्त कोरोना संक्रमितको आइसीयूमा र २६७ जनाको भेन्टिलेटरमा उपचार भइरहेको छ । आज थपिएका ८ हजार ८५० जना संक्रमित सहित देशमा कुल कोरोना संक्रमितको संख्या ३ लाख ९४ हजार ६६७ पुगेको छ । उता ३ हजार ७२० संक्रमितको मृत्यु भइसकेको मन्त्रालयले जनाएको छ । कोरोना जित्नेको संख्या पनि ३ लाख २ हजार ७८७ पुगेको छ ।

अहिले सक्रिय संक्रमितको संख्या ८८ हजार १६० रहेको मन्त्रालयले जनाएको छ । उनीहरुमध्ये ८१ हजार ४३० जना होम आइसोलेसनमा र ६ हजार ७३० जना संस्थागत आइसोलेसनमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।