काठमाडौं महानगरद्धारा त्रिवि शिक्षण अस्पताललाई भेन्टिलेटर सहयोग

हेल्थ टिभी अनलाइन\ काठमाडौं : काठमाडौं महानगरपालिकाले त्रिभुवन विश्वविद्यालय शिक्षण अस्पताल महाराजगंजलाई १० वटा भेन्टिलेटर सहयोग गरेको छ ।

भेन्टिलेटरको अभावमा कोरोना संक्रमितको उपचारमा समस्या परेका बेला महानगरले १० वटा भेन्टिलेटर सहयोग गरेको हो।

महानगरका मेयर विद्या सुन्दर शाक्य एवं उपमेयर हरिप्रभा खड्गीले शनिबार अस्पताल परिसर पुगी भेन्टिलेटर हस्तान्तरण गरेका हुन्।

अहिले काठमाडौं उपत्यकामा धेरै अस्पतालमा अक्सिजन, आइसीयू र भेन्टिलेटरको समस्या भएका कारण धेरै संक्रमितले बेड नपाएरै ज्यान गुमाउन परेको अवस्था छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।