आज संक्रमण पुष्टि हुनेहरुमा झण्डै आधा संक्रमित २० देखि ३९ वर्ष समूहका
हेल्थ टिभी अनलाइन \काठमाडौं : नेपालमा आज संक्रमण पुष्टि भएको कोरोना संक्रमितमध्ये झण्डै आधा संक्रमित २० देखि ३९ वर्ष समूहका रहेका छन्। स्वास्थ्य तथा जनसंख्या मन्त्रालयका अनुसार आज संक्रमण पुष्टि भएका ८ हजार ६५९ जनामध्ये ४ हजार १५४ जना २० देखि ३९ वर्ष समूहका रहेका छन्।
यो समूहलाई कोरोनाको जोखिममा नरहेको भन्दै सरकारले पनि कोरोना खोपको प्राथमिकतामा राखेको थिएन । तर अहिले सबैभन्दा बढी संक्रमण यही समूहमा देखिन थालेको छ । यसरी आज संक्रमण पुष्टि हुनेहरुमा सबैभन्दा बढी ३० देखि ३९ वर्ष समूहका २१ सय ३ जना रहेका छन् भने २० देखि २९ वर्षका २ हजार ५१ जना रहेका छन्। उता ४० देखि ४९ वर्षका १५ सय ५३ जनामा कोरोना पुष्टि भएको मन्त्रालयले जनाएको छ ।
उता कोरोनाको पहिलो वेभमा बच्चाहरुमा खासै संक्रमण नदेखिएको भए पनि यसपटक भने धेरै बच्चाहरुमा संक्रमण देखिएको छ । आज मात्रै जन्मेदेखि ९ वर्षका २१३ जना र १० देखि १९ वर्षमा ५२४ जना किशोरकिशोरीमा कोरोना पुष्टि भएको जनाइएको छ । ११ सय ७३ जना संक्रमित भने ५० देखि ५९ वर्षका रहेका छन्।
संक्रमणको पहिलो लहरमा ज्येष्ठ नागरिक बढी प्रभावित भएका थिए। तर यस पटक कोरोनाको संक्रमणको चपेटामा बढी जसो युवा वर्ग परेको देखिन्छ। जटिलता बढेर अस्पताल आउने पनि २० देखि ३९ वर्षका व्यक्ति बढी रहेका छन्।
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स
जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने