हेल्थ टिभी अनलाइन \काठमाडौं : नेपालमा हाल सक्रिय संक्रमितको संख्या ५४ हजार ४१ पुगेको छ । स्वास्थ्य तथा जनसंख्या मन्त्रालयका अनुसार सोमबारसम्म देशभर ५४ हजार ४१ जना सक्रिय संक्रमित रहेका छन्। यीमध्ये ५० हजार १७२ जना संक्रमित होम आइसोलेसनमा रहेका छन् भने ३ हजार ८६९ जना मात्र संस्थागत आइसोलेसनमा रहेका छन् ।

मन्त्राललयका अनुसार पछिल्लो पटक कोरोना पुष्टि हुनेहरुमा बढी जटिलता देखिएको छ । जसका कारण अस्पतालमा भर्ना हुने उपचार चाहिने संक्रमितको संख्या उच्च रहेको मन्त्रालयले जनाएको छ । घरमै बसेका बेला एक्कासी समस्या आएर ज्यान गुमाउने संक्रमितको संख्या पनि बढ्दो भएकाले होम आइसोलेसनमा बसेकालाई आफनो स्वास्थ्यको निगरानी गर्न र केही भएमा तुरुन्त स्वास्थ्य संस्थामा सम्पर्क गर्न मन्त्रालयले आग्रह गर्दै आएको छ ।

सोमबारसम्म देशभर ५ सय ७८ जनाको उपचार भइरहेको छ । उता भेन्टिलेटरमा उपचार भइरहेको सिकिस्त संक्रमितको संख्या १४२ पुगेको छ । अहिलसम्मे नेपालमा ३ लाख ४३ हजार ४१८ जनामा कोरोना पुष्टी भइसकेको छ भने ३ हजार ३६२ जनाको मृत्यु भइसकेको छ ।