१६ बैशाख २०७८ , बिहिबार

लुम्बिनी प्रदेशको स्वास्थ्य सचिवमा डा विकास देवकोटा नियुक्त

हेल्थ टिभी अनलाइन \काठमाडौं : लुम्बिनी प्रदेशको स्वास्थ्य तथा जनसंख्या मन्त्रालयको सचिवमा डा विकास देवकोटालाई नियुक्त गरिएको छ ।

सरकारले हाल केन्द्रिय स्वास्थ्य तथा जनसंख्या मन्त्रालयको गुणस्तर मापन तथा नियमन महाशाखाका प्रमुख रहेका डा देवकोटालाई प्रदेश स्वास्थ्य सचिवमा सरुवा गरेको हो।

उनले आफूले सरुवा पत्र पाएको र छिटै त्यसतर्फ गएर पदवहाली गर्ने जनाएका छन् । यसअघि प्रदेशमा छुट्रटै स्वास्थ्य मन्त्रालय भनेर छुट्याइएको थिएन । सामाजिक विकास मन्त्रालयले नै स्वास्थ्य पनि हेर्दे आएको थियो ।

लुम्बिनी प्रदेशले केही दिन अघि मात्र स्वास्थ्य मन्त्रालय गठन गरेको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।