१४ बैशाख २०७८ , मङ्लबार

कोरोनाको परीक्षण शुल्क बढी लिएको पाइएमा परीक्षण गर्न नपाउने गरी सूचीबाट हटाइने

हेल्थ टिभी अनलाइन \काठमाडौं : स्वास्थ्य तथा जनसंख्या मन्त्रालयले सरकारले तोकेको भन्दा बढी शुल्क लिएर पीसीआर परीक्षण गरेको पाइएमा उक्त प्रयोगशालालाई परीक्षण गर्न पाउने सूचीबाट हटाइने जनाएको छ ।

मन्त्रालयले एक सूचना जारी गर्दै केही प्रयोगशालामा बढी शुल्क लिएको भन्ने गुनासाे आएको भन्दै त्यसरी बढी शुल्क उठाएको पाइएमा राष्ट्रिय जनस्वास्थ्य प्रयोगशालामार्फत सूचीबाट हटाइने जनाएको हो ।

सरकारले हाल कोरोनाको पहिचान गर्न गरिने पीसीआर परीक्षणका लागि सरकारी प्रयोगशालामा एक हजार रुपैयाँ र निजी प्रयोगशालामा दुई हजार रुपैयाँ तोकेको छ । यति कसैले अन्य बहाना पारेर तोकिएको रकम भन्दा बढी शुल्क लिएमा कारवाहीमा पर्ने मन्त्रालयले चेतावनी दिएको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।