१२ बैशाख २०७८ , आइतवार

पूर्व निर्धारित सबै परीक्षा स्थगित गर्ने सीसीएमसीको निर्णय

हेल्थ टिभी अनलाइन \काठमाडौं : सरकारले पूर्व निर्धारित सबै परीक्षाहरु अर्को सूचना नआउन्जेलसम्मका लागि स्थगित गरेको छ ।

आज बसेको कोभिड- १९ संकट व्यवस्थापन केन्द्रको बैठकले भौतिक रुपमा उपस्थित भएर गरिने सबै पूर्व निर्धारित परीक्षा स्थगित गर्ने निर्णय गरेको हो ।

बैठकले देशभरका विद्यालय तथा शिक्षालयमा भौतिक उपस्थिति नभई भर्चुअल रुपमा वा अन्य वैकल्पिक माध्यमबाट मात्र पठनपाठन जारी राख्ने र भौतिक उपस्थितिमा हुने पूर्व निर्धारित सबै प्रकारका परीक्षा अर्को आदेश नभएसम्मका लागि स्थगित गर्ने निर्णय गरेको जनाइएको छ ।

विद्यालय -कलेजमा भिडभाड हुँदा कोरोना संक्रमण नियन्त्रणबाहिर जाने भन्दै सरकारले यस्तो निर्णय गरेको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।