१२ बैशाख २०७८ , आइतवार

औषधि व्यवस्था विभागका कर्मचारीमा कोरोना भएपछि नविकरणबाहेकका सेवा बन्द

हेल्थ टिभी अनलाइन \काठमाडौं : औषधि व्यवस्था विभागका कर्मचारीमा कोरोना संक्रमण भएपछि नविकरणबाहेकका सबै सेवा बन्द भएको छ ।

विभागले आज विज्ञप्ति जारी गर्दै विभागका विभिन्न फाँटमा काम गर्ने कर्मचारीमा कोरोना संक्रमण पुष्टि भएकाले स्वास्थ्य जोखिमका कारण सेवाहरु बन्द गर्नुपर्ने जनाएको छ । विभागले नविकरणबाहेकका अन्य काम स्थगित गरेको जनाएको हो ।

कर्मचारीमा कोरोना पोजेटिभ भएपछि धेरै जना कन्ट्याक्ट ट्रेसिङमा परेका छन्। विभागका महानिर्देशकसहितका कर्मचारी होम आइसोलेसनमा बसेको र पीसीआर परीक्षण गरेर रिपार्ट आएपछि मात्र कार्यालय आउने विभागले जनाएको छ ।

दुई सातायता काठमाडौं लगायतका विभिन्न शहरहरुमा कोरोना संक्रमण तीब्र रुपमा बढिरहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।