११ बैशाख २०७८ , शनिबार

नेपालमा कोरोना कहर : आज एकैदिन १४ जना संक्रमितको मृत्यु

२४ घण्टामा २६१९ संक्रमित थपिए

हेल्थ टिभी अनलाइन \काठमाडौं : नेपालमा पछिल्लो २४ घण्टामा १४ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा १४ जना कोरोना संक्रमितको मृत्यु भएको हो ।

पछिल्ला केही दिन यता नेपालमा कोरोना संक्रमण र मृत्युदर दुबै तीब्र रुपमा बढिरहेको छ । योसँगै देशभर कोरोना संक्रमण भएर ज्यान गुमाउनेको संख्या ३ हजार १३६ पुगेको मन्त्रालयले जनाएको छ । उता गत २४ घण्टामा २६ सय १९ जना नयाँ कोरोना संक्रमित थपिएका छन्। हरेक चार दिनमा कारोना पुष्टि हुने संख्या दोब्बर जस्तै हुन थालेको छ ।

हाल देशभर २ लाख ९७ हजार ८७ जनामा कोरोना पुष्टि भइसकेको छ भने तीमध्ये २ लाख ७७ हजार १२३ जना निको भएर डिस्चार्ज भइसकेका छन्। हाल देशभर १६ हजार ८२८ जना सक्रिय संक्रमित आइसोलेसनमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।