७ बैशाख २०७८ , मङ्लबार

नेपालमा सक्रिय संक्रमितको संख्या ७ हजार नाघ्यो

हेल्थ टिभी अनलाइन \काठमाडौं : नेपालमा सक्रिय कोरोना संक्रमितको संख्या फेरी एकपटक बढ्दो क्रममा रहेको छ ।

स्वास्थ्य तथा जनसंख्या मन्त्रालयका अनुसार देशभर सक्रिय संक्रमितको संख्या ७ हजार २५४ पुगेको छ । सोमबार १२८१ जना कोरोना संक्रमित थपिएपछि उनीहरुको संख्या बढेर ७ हजार २५४ पुगेको हो । योसँगै देशभर कुल कोरोना संक्रमितको संख्या २ लाख ८५ हजार ९ सय पुगेको छ ।

उता कोरोना संक्रमणबाट ज्यान गुमाउनेको संख्या पनि बढेर ३ हजार ९१ पुगेको छ । मन्त्रालयका अनुसार ८१ जना अहिले पनि क्वारेन्टाइनमा रहेका छन्। नेपालमा कोरोना संक्रमणबाट निको हुने दर ९६ दशमलब ४ प्रतिशत रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।