भेरी अस्पतालमा तीन घण्टामा ३ संक्रमितको मृत्यु
हेल्थ टिभी अनलाइन \बाँके : बाँकेको भेरी अस्पतालमा तीन घण्टामा ३ जना कोरोना संक्रमितको मृत्यु भएको छ । बाँकेका कोरोना फोकल पर्सन तेज वलीका अनुसार हिजो अस्पतालमा भर्ना भएका तीन जनाको तीन घण्टाभित्रै मृत्यु भएको हो । यसरी मृत्यु हुनेहरुमा बाँके, बर्दिया र दैलेखका १\ १ जना रहेका छन्।
बाँके भारतसँग सीमा जोडिएको जिल्ला भएकाले पनि भारतबाट नेपाल फर्किने व्यक्तिहरु र उनीहरुसँग सम्पर्कमा आएकाहरुमा कोरोना संक्रमण देखिने क्रम तीब्र रुपमा बढिरहेको छ ।
बाँकेमा केही समय अघि कोरोना संक्रमितको संख्या शुन्यमा झरिसकेको भए पनि विगत दुई सातादेखि संक्रमितको संख्यामा व्यापक वृद्धि भइरहेको छ । अस्पतालमा बेडहरु संक्रमितले भरिएका छन् भने मृत्युदर पनि बढेको छ ।
कोरोना संक्रमण बढेपछि त्यहाँ अहिले विद्यालयहरु भने बन्द गरिएका छन्।
साहित्यकार मोतीशोभाका पाँच कृति एकैसाथ विमोचित
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?