५ बैशाख २०७८ , आइतवार

भारतमा कोरोना कहर : एकैदिन २ लाख ६१ हजारभन्दा बढी संक्रमित थपिए, १५०१ को मृत्यु

हेल्थ टिभी अनलाइन : भारतमा एकै दिन २ लाख ६१ हजारभन्दा बढी कोरोना संक्रमित थपिएका छन्। त्यहाँको स्वास्थ्य मन्त्रालयका अनुसार भारतमा अहिलेसम्मको सबै रेकर्ड तोड्दै २४ घण्टामा २ लाख ६१ हजार ५ सय जनामा कोरोना संक्रमण पुष्टि भएको छ ।

यसैगरी पछिल्लो २४ घण्टामा १५ सय १ जना संक्रमितको मृत्यु भएको जनाइएको छ । भारतको महाराष्ट्र, उत्तर प्रदेश, दिल्ली, छत्तीसगढ, कर्नाटक लगायतका राज्यमा कोरोना संक्रमण कहर बन्दै फैलिरहेको छ । सबैभन्दा बढी संक्रमित यी राज्यमा छन्।

भारतमा हालसम्म १ करोड ४७ लाख ८८ हजार १०९ जनामा कोरोना संक्रमण पुष्टि भइसकेको छ भने १ लाख ७७ हजार १६८ जनाको कोरोनाबाट मृत्यु भइसकेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।