३१ चैत्र २०७७ , मङ्लबार

आज देशभर ५१७ नयाँ संक्रमित थपिए, ५ जनाको मृत्यु

हेल्थ टिभी अनलाइन \काठमाडौं : नेपालमा आज ५१७ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पीसीआर र एन्टिजेट गरी देशभर ५१७ जनामा कोरोना भाइरसको संक्रमण पुष्टि भएको हो । योसँगै देशभर कुल कोरोना संक्रमितको संख्या २ लाख ८० हजार ५२४ पुगेको छ । उता पछिल्लो २४ घण्टामा ५ जना संक्रमितको मृत्यु भएको मन्त्रालयले जनाएको छ । आज मृत्यु भएकासहित गरी देशभर कोरोना संक्रमण भएर ज्यान गुमाउनेको संख्या ३ हजार ५८ पुगेको छ ।

पछिल्लो समय भारतमा कोरोना संक्रमण बढेसँगै नेपालमा पनि संक्रमणदर ह्वात्तै बढेको छ । अहिले देशभर सक्रिय कोरोना संक्रमितको संखया ३ हजार ६०८ रहेको छ भने कोरोनाको आशंकामा क्वारेन्टाइनमा रहनेको संख्या ८५ रहेको मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।