पछिल्लो समय कोरोना संक्रमण पुष्टि हुनेहरुमा युवायुवती बढी
हेल्थ टिभी अनलाइन \काठमाडौं : नेपालमा पछिल्ला केही दिन यता कोरोनाको ग्राफ उकालो लागिरहेको छ । केही अघि समयअघिसम्म कोरोना संक्रमणको जोखिम वृद्धवृद्धा एवं दीर्घ रोग भएकालाई बढी हुन्छ भनेर भनिए पनि अहिले नेपालमा कोरोना संक्रमण युवायुवतीमा बढी देखिएको छ ।
शुक्रराज ट्रपिकल तथा सरुवा रोग अस्पतालका विशेषज्ञ डा अनुप बास्तोलाले पछिल्लो समय भर्ना हुन भएका संक्रमितमध्ये अधिकांस युवायुवती भएको र उनीहरुमा जटिलता पनि बढेको बताए । उनले युवायुवती त्यसमा पनि मोटा व्यक्तिहरुमा बढी समस्या भएको जनाए । तीन साताअघिसम्म निकै कम रहेको कोरोनाको संक्रमण अहिले भारतमा बढेसँगै नेपालमा पनि उकालो लाग्न थालेपछि सरकारले सबैलाई जनस्वास्थ्यका मापदण्ड पालना गर्न आग्रह गर्दै आएको छ ।
मन्त्रालयका प्रवक्ता डा जागेश्वर गौतमले पछिल्लो समय विद्यालय जाने उमेर समूह र कलेज जाने उमेर समूहका युवायुवतीमा बढी संक्रमण देखिएको भन्दै सबैलाई मास्क अनिवार्य लगाउन तथा सामाजिक दूरी कायम गर्न आग्रह गरेका छन्। युवायुवती कामका सिलसिलामा बढी बाहिर निस्कने र संक्रमणको जोखिम लिएर फर्कने हुँदा काममा जाँदा मास्कको अनिवार्य प्रयोग गर्न, सामाजिक दूरी कायम गर्न र हात धुन नबिर्सन डा गौतमले आग्रह समेत गरे । उनले भने, ‘यो त मेरै साथी हो के कोरोना सार्ला र भन्ने बानीले संक्रमण फैलिरहेको छ । त्यसैले मास्क चिउँडोमा राखेर कुरा गर्ने हैन। यसको सही प्रयोग गर्न जरुरी छ ।’
डा गौतमले नयाँ भेरियन्ट बढी युवायुवतीमा देखिएकाले आइसीयू र भेन्टिलेटरमा पनि उनीहरु पुगिरहेको भन्दै विशेष गरी यो बेला युवयुवतीले आफूलाई र घरमा रहेका जेष्ठ नागरिकलाई संक्रमणबाट बचाउन जनस्वास्थ्यका मापदण्ड अनिवार्य पालना गर्नुपर्ने बताए । आजसम्मको तथ्यांक अनुसार ८९ जना संक्रमित आइसीयूमा रहेका छन् भने १५ जनाको भेन्टिलेटरमा उपचार भइरहेको छ ।
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स
जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने
डा सन्दीपलाई प्रश्न : घुँडा किन दुख्छ, कसरी बच्ने ?