भारतबाट आएका थप २६ जनामा कोरोना पुष्टि
हेल्थ टिभी अनलाइन\ काठमाडौं : भारतबाट फर्किएका थप २६ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा भारतबाट फर्किएका नेपालीको सीमा नाकाको हेल्थ डेस्कमा एन्टिजेन परीक्षण गर्दा २६ जनामा कोरोना पोजेटिभ देखिएको हो ।
भारतमा कोरोनाको दोस्रो लहर तीब्र रुपमा फैलिन थालेपछि त्यहाँ रहेका धेरै नेपालीहरु धमाधम घर फर्किरहेका छन्। उनीहरुसँगै कोरोना भाइरस पनि भित्रिन सक्ने भन्दै सरकारले सीमा नाकाहरुमा गत चैत ६ गतेदेखि हेल्थ डेस्क स्थापना गरेर एन्टिजेन परीक्षण गर्दै आएको छ । गत २४ घण्टामा विभिन्न नाकाहरुमा ४७६ जनाको एन्टिजेन परीक्षण गर्दा २६ जनामा कोरोना देखिएको हो । गड्डाचौकी कंचनपुर नाकामा रहेको हेल्थ डेस्कमा ५ जना र कंचनपुरकै त्रिनगर हेल्थ डेस्कमा २१ जनामा कोरोना पोजेटिभ पाइएको मन्त्रालयले जनाएको छ ।
हिजो पनि भारतबाट फर्किएका ५२ जनामा कोरोना पुष्टि भएको थियो । मन्त्रालयको तथ्यांक अनुसार हालसम्म सीमा नाकामा नेपाल प्रवेश गर्ने ८ हजार ४२ जनाको एन्टिजेन परीक्षण गरिएकोमा ती मध्ये ३५० जनामा कोरोना पोजेटिभ देखिएको छ ।
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स
जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने