कोरोना संक्रमण बढे पनि अब सरकार लकडाउन गर्ने पक्षमा छैन् : स्वास्थ्यमन्त्री
हेल्थ टिभी अनलाइन \काठमाडौं : स्वास्थ्य तथा जनसंख्या मन्त्री ह्दयेश त्रिपाठीले कोरोना संक्रमण बढ्न सक्ने संकेत गर्दै कोरोना बढे पनि सरकार यसपटक लकडाउन गर्ने पक्षमा नरहेको बताएका छन्।
मंगलबार काठमाडौंमा भएको नेपाल स्वास्थ्य सम्मेलनलाई सम्बोधन गर्ने क्रममा मन्त्री त्रिपाठीले सरकारले कोरोना संक्रमितको संख्या बढे पनि लकडाउन नै गर्नेबारे भने नसोचेको बताएका हुन् । मन्त्री त्रिपाठीले लकडाउन मात्रै समस्याको समाधान नभएको भन्दै यसअघि लकडाउन गर्दा सर्वसाधारणले भोगेको समस्याबाट पाठ सिक्दै कोरोना संक्रमण रोक्न अन्य अस्त्र प्रयोग गरिने तर लकडाउन गरेर देशको अर्थतन्त्र ध्वस्त पार्ने काम नगर्ने बताए ।
उनले भने, ‘यसभन्दा अघि हामीले लकडाउन गर्दाको परिणाम अहिले देखिंदैछ, साथै अब हामीसँग कोरोना कसरी नियन्त्रण गर्ने भन्नेबारेमा अनुभव पनि भइसकेको छ । ती अनुभवका आधारमा जनस्वास्थ्यका मापदण्ड पालना गर्ने, नाकाहरुमा कडाई गर्ने र परीक्षणलाई बढाउने तर्फ ध्यान दिइनेछ ।’
भारत, बंगलादेश लगायतका छिमकी देशहरुमा कोरोना संक्रमण बढेको हिसाबले हेर्दा नेपालमा पनि संक्रमण एकपटक बढन सक्ने कुरालाई मध्यनजर गर्दै सरकार तयारी अवस्थामा रहेको समेत उनले जानकारी दिए । उनले भने, ‘अहिले नै आत्तिहाल्नुपर्ने अवस्था छैन् तर सबैले सावधानीचाहिं अपनाउनैपर्छ ।’
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै