१४ चैत्र २०७७ , शनिबार

पछिल्लो २४ घण्टामा देशभर थपिए ८५ जना संक्रमित, ३ जनाको मृत्यु

हेल्थ टिभी अनलाइन \काठमाडौं : नेपालमा पछिल्लो २४ घण्टामा थप ८५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज देशभर ८५ जना संक्रमित थपिएका हुन्। यसैगरी गत २४ घण्टामा ३ जना कोरोना संक्रमितको मृत्यु भएको छ । योसँगै देशभर कुल कोरोना संक्रमितको संख्या २ लाख ७६ हजार ७५० पुगेको छ भने कोरोनाबाट मृत्यु हुनेको संख्या ३ हजार २७ पुगेको छ । उता आज थप ९३ जना संक्रमित निको भएर डिस्चार्ज भएका छन्।

केही दिन यता कोरोना संक्रमितको संख्या बढिरहेको छ भने मृत्युदर पनि बढेको छ । भारतमा कोरोना संक्रमण फैलिरहँदा नेपाल पनि उच्च जोखिममा रहेको विज्ञहरुले बताएका छन्।

हाल देशभर १२ सय ८८ जना सक्रिय संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।