हेल्थ टिभी अनलाइन \काठमाडौं :  नेपालमा कोरोना संक्रमितको संख्या थपिने क्रम फेरी तीन अंकमा पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४ हजार ३२ जनाको पीसीआर परीक्षण गर्दा १८८ जनामा कोरोना पोजेटिभ देखिएको हो । हिजो पनि १५० जनामा कोरोना संक्रमण पुष्टि भएको थियो ।

योसँगै देशभर कुल कोरोना संक्रमितको संख्या २ लाख ७६ हजार २४४ पुगेको छ । यसैगरी २ लाख ७२ हजार ९७ जना संक्रमणमुक्त भइसकेका छन्। हालसम्म नेपालमा ३ हजार १९ जनाले कोरोना संक्रमणबाट ज्यान गुमाइसकेका छन्। उता भारतमा पुन कोरोना संक्रमण बढ्न थालेपछि नेपालमा पनि त्यसको जोखिम बढी हुने भन्दै सरकारले नाकाहरुमा कडाइ गर्न थालेको छ ।

भारतको महाराष्ट्र लगायतका शहरहरुमा कोरोना फेरी बढिरहेको छ ।