७ चैत्र २०७७ , शनिबार

पछिल्लो २४ घण्टामा ७९ संक्रमित थपिए, ८२ जना डिस्चार्ज

हेल्थ टिभी अनलाइन \काठमाडौं : नेपालमा थप ७९ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७९ जनामा कोरोना संक्रमण पुष्टि भएको हो ।

योसँगै देशभर कुल कोरोना संक्रमितको संख्या २ लाख ७५ हजार ८२९ जना पुगेको छ । यसैगरी हालसम्म २ लाख ७१ हजार८१५ जना संक्रमित संक्रमणमुक्त भएका छन्। पछिल्लो २४ घण्टामा ८२ जना संक्रमित निको भई डिस्चार्ज भएका छन्।

उता अहिले देशभर ९९८ जना सक्रिय संक्रमित होम आइसोलेसन तथा संस्थागत आइसोलेसनमा रहेका छन्। मन्त्रालयका अनुसार शनिबारसम्म देशभर कोरोना संक्रमण भएर ज्यान गुमाउनेको संख्या ३ हजार १६ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।