२ चैत्र २०७७ , सोमवार

राष्ट्रपति विद्यादेवी भण्डारीले लगाइन् कोरोना विरुद्धको खोप

हेल्थ टिभी अनलाइन \काठमाडौं : राष्ट्रपति विद्यादेवी भण्डारीले कोरोना विरुद्धको खोप लगाएकी छिन्। राष्ट्रपति भण्डारी सोमबार दिउँसो ४ बजे त्रिवि शिक्षण अस्पताल महाराजगञ्ज पुगेर कोरोना विरुद्धको खोप लगाएकी हुन्।

खोप लगाइसकेपछि राष्ट्रपति भण्डारीले कोरोनाको संक्रमणबाट बच्न सबैले खोप अभियानमा सहभागी भएर सहयोग गर्नुपर्ने बताइन्। उनले सबैलाई निर्धक्क भएर खोप लगाउन समेत आग्रह गरिन्।

नेपालमा दोस्रो प्राथमिकतामा परेका ६५ वर्ष माथिका जेष्ठ नागरिकलाई फागुन २३ गतेदेखि कोरोना विरुद्धको खोप लगाउन थालिएको हो । प्रधनमन्त्री केपी शर्मा ओलीले पहिलो दिन खोप लगाएर अभियान शुरु गरेका थिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।