१५ फाल्गुन २०७७ , शनिबार

पछिल्लो २४ घण्टामा देशभर ८१ जना संक्रमित थपिए, २ जनाको मृत्यु

हेल्थ टिभी अनलाइन \काठमाडौं : नेपालमा आज थप ८१ जना कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २८ सय २४ जनाको पीसीआर परीक्षण गर्दा ८१ जनामा संक्रमण देखिएको हो । योसँगै देशभर कुल कोरोना संक्रमितको संख्या २ लाख ७४ हजार ६५ पुगेको छ । यीमध्ये ९८ दशमलब ६ प्रतिशत अर्थात २ लाख ७० हजार ३२५ जना संक्रमणमुक्त भइसकेको मन्त्रालयले जनाएको छ ।

उता पछिल्लो २४ घण्टामा थप २ जना संक्रमितको मृत्यु भएको छ । आज मृत्यु भएकासहित गरी देशभर कोरोना संक्रमण भएर ज्यान गुमाउनेको संख्या २ हजार ७७३ पुगेको छ । हाल देशभर सक्रिय संक्रमितको संख्या जम्मा ९६७ रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।