हेल्थ टिभी अनलाइन : भारतको महाराष्ट्रमा कोरोनाको दोस्रो लहर कहर बनेर आएको भन्दै विज्ञहरुले चिन्ता व्यक्त गरेका छन्। त्यहाँको स्वास्थ्य मन्त्रालयका अनुसार महाराष्ट्रको वासिम जिल्लाको रिसोड तहसिलको देवांग विद्यालयका १९० विद्यार्थीमा एकैपटक कोरोना संक्रमण पाइएको हो ।

एकैपटक धेरै विद्यार्थीमा कोरोना पोजटिभ पाइएपछि विद्यालय केही समयका लागि बन्द गरिएको छ भने उक्त विद्यालयका सबै विद्यार्थीको नमुना संकलन गरि परीक्षणका लागि पठाइएको जनाइएको छ । ती विद्यार्थी अमरावती जिल्लाको विभिन्न गाउँका रहेको बताइएको छ । उनीहरु होस्टेलमा बस्ने गरेका थिए ।

महाराष्ट्रमा कोरोनाको दोस्रो लहर शुरु हुन थालेपछि खुलिसकेको विद्यालय, कलेजहरु पुन: बन्द गर्न थालिएको छ भने कतिपय स्थानमा स्थानीय रुपमा लकडाउन र स्वास्थ्यका मापदण्ड पालनामा कडाई गर्न थालिएको छ । उता दिल्लीमा पनि संक्रमण पुन: बढिरहेको पाइन्छ ।