९ फाल्गुन २०७७ , आइतवार

सरकारले भारतबाट खरिद गर्न लागेको २० लाखमध्ये १० लाख डोज कोरोना खोप आज आउने

हेल्थ टिभी अनलाइन \काठमाडौं : सरकारले भारतसँग खरिद गर्न लागेको २० लाख डोज कोरोना खोप मध्ये पहिलो चरणमा १० लाख डोज आज आउने भएको छ ।

सरकारले सिरम इन्स्टिच्युट अफ इन्डिया बाट उत्पादित कोभिसिल्ड खोप १० लाख डोज आजै १: ३० बजे एअर इन्डिया मार्फत आइपुग्ने जनाएको हो । स्वास्थ्य तथा जनसंख्या मन्त्रालयका सह प्रवक्ता डा समिरकुमार अधिकारीका अनुसार सरकारले यही फेब्रेअरी १७ तारिखमा गरेको सम्झौता अनुसार २० लाख डोज कोरोना खोप खरिद गर्ने प्रक्रिया अनुसार आज पहिला खेप आउन लागेको हो ।

उक्त खोप त्रिभुवन अन्तराष्ट्रिय विमानस्थलबाट सिधै टेकुस्थित कोल्डरुममा लगेर भण्डारण गरिने पनि जनाइएको छ । सरकारले यही फागुन २३ गतेदेखि दोस्रो चरणको खोप अभियान शुरु हुनेछ । जसमा ६० वर्ष माथिका सबै नागरिकलाई खोप दिने सरकारको लक्ष्य रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।