हेल्थ टिभी अनलाइन \काठमाडौं : नेपालमा कोरोना संक्रमण भएर निको हुने दर झण्डै ९९ प्रतिशत पुगेको छ । स्वास्थ्य तथा जनसंख्या मन्त्रालयका अनुसार बिहिबारसम्म नेपालमा कोरोना संक्रमण भएका ९८ दशमलब ४ प्रतिशत संक्रमित निको भएका छन्।

हालसम्म कोरोना संक्रमण भएका २ लाख ७१ हजार ६०२ जना मध्ये २ लाख ६७ हजार २९२ जना संक्रमणमुक्त भइसकेका छन्। यो भनेको निको हुनेको दर ९८ दशमलब ४ प्रतिशत हुन आउँछ ।

यसैगरी हालसम्म देशभर २ हजार ३३ जनाको कोरोना संक्रमणका कारण मृत्यु भएको छ । यसको मृत्यु प्रतिशत शुन्य दशमलब ७५ प्रतिशत मात्र रहेको पाइन्छ ।

नेपालमा परापूर्व कालदेखि प्रयोग हुँदै आएको आयुर्वेद तथा जडिबुटीका कारण पनि मृत्युदर कम भएको आँकलन विज्ञहरुले गर्दै आएका छन्। यूरोप अमेरिका लगायतका विकसित देशहरुमा कोरोनाको मृत्युदर बढी हुँदा नेपालमा भने निकै कम पाइएको छ ।