२२ माघ २०७७ , बिहिबार

नेपालले कोभ्याक्स अन्तर्गतको २२ लाख ५६ हजार डोज खोप पाउने

हेल्थ टिभी अनलाइन \काठमाडौं : नेपालले विश्व स्वास्थ्य संगठनको कोभ्याक्सअन्तर्गतको २२ लाख ५६ हजार डोज कोरोना विरुद्धको खोप पाउने भएको छ ।

विश्व स्वास्थ्य संगठनले बिहीबार प्रकाशित गरेको अन्तरिम कोभ्याक्स डिस्ट्रिब्युसन फोरकास्टकाअनुसार गरिब मुलुक भएकाले नेपालले त्यति संख्यामा कोरोना खोप पाउने तालिका सार्वजनिक गरेको हो । कोभ्याक्स अन्तर्गत गरिब मुलुकहरुलाई विश्व स्वास्थ्य संगठनको सहयोगमा खोप किनेर दिने गरिन्छ ।

विश्व स्वास्थ्य संगठनले विभिन्न संस्थासँग सहकार्यमा खोप खरिद गरी नेपाल लगायतका गरिब मुलुकहरुलाई दिने तयारी गरेको हो । त्यसो त नेपाललाई भारत सरकारले १० लाख डोज खोप अनुदान स्वरुप प्रदान गरेको छ र उक्त खोप लगाउने क्रम जारी छ ।

भारतले दिएको उक्त खोप सरकारले स्वास्थ्यकर्मी लगायतका फ्रन्टलाइनरलाई दिइरहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।