१९ माघ २०७७ , सोमवार

बर्ड फ्लुको त्रास : मासु राम्ररी पकाएर मात्र खान विज्ञहरुको आग्रह

हेल्थ टिभी अनलाइन \काठमाडौं : काठमाडौंमा बर्ड फ्लु भेटिएपछि मासु राम्ररी पकाएर मात्र खान विज्ञहरुले आग्रह गरेका छन्।

स्वास्थ्य सेवा विभाग अन्तर्गतको इपिडिमियोलोजी तथा रोग नियन्त्रण महाशाखाले काठमाडौंको तारकेश्वर फुटुंग लगायतका केही स्थानमा किसानले पालेका कुखुरामा बर्ड फ्लु भेटिएको हुँदा यस क्षेत्रका बासिन्दाले विशेष ध्यान पुराउनुपर्ने भन्दै मासु खाँदा विचार पुराउन आग्रह गरेको हो । पंक्षी जातीमा असर गर्ने भए पनि यस भाइरसले मानव स्वास्थ्यमा पनि जोखिम पार्ने भएकाले विशेष सावधानी अपनाउन महाशाखाले आग्रह गरेको छ ।

बर्ड फ्लु देखिएका क्षेत्रमा कुखुरा नष्ट गर्ने काम गरिरहेको र निगरानी समेत बढाइएको छ । मासु राम्ररी पकाएर खाँदा यसले असर नगर्ने भए पनि मासु पकाउँदा र सफा गर्दा पनि ध्यान दिन विज्ञहरुले आग्रह गरेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।