तनहुँमा ९८ वर्षीय वृद्धले लगाए कोरोना विरुद्धको खोप
हेल्थ टिभी अनलाइन \काठमाडौं : कोरोना खोप अभियानको आज पाँचौ दिन । आज देशभरका विभिन्न खोप केन्द्रमा कोरोना विरुद्धको खोप दिइँदैछ ।
यही क्रममा आज तनहुँको देवघाट समाज कल्याण केन्द्र वृद्धाश्रमका ९८ वर्षका अगमप्रसाद लामिछानेले पनि कोरोना विरुद्धको खोप लगाएको गण्डकी प्रदेश स्वास्थ्य निर्देशनालयले जनाएको छ । उनलाई देवघाट स्वास्थ्य कार्यालय तनहुँले आयोजना गरेको खोप कार्यक्रममा तालिम प्राप्त स्वास्थ्यकर्मीले खोप दिएका हुन्। खोप लगाएपछि वृद्धमा कुनै स्वास्थ्य समस्या नदेखिएको पनि निर्देशनालयले जनाएको छ ।
सरकारले माघ १४ गतेदेखि देशभर कोरोना विरुद्धको खोप अभियान शुरु गरेको हो । पहिलो चरणमा ४ लाख ३० हजार जनालाई खोप दिने सरकारको लक्ष्य रहेको छ ।
फोटो – स्वास्थ्य कार्यालय तनहुँ
साहित्यकार मोतीशोभाका पाँच कृति एकैसाथ विमोचित
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?