१५ माघ २०७७ , बिहिबार

२४ घण्टामा २१३ जनामा कोरोना संक्रमण, मृत्यु शुन्य

हेल्थ टिभी अनलाइन \काठमाडौं : नेपालमा आज थप २१३ जनामा कोरोना संक्रमण पुष्टि भएको छ भने २४ घण्टामा कसैको पनि मृत्यु भएको छैन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर २१३ जनामा कोरोना संक्रमण पुष्टि भएको छ । यसैगरी आज कसैको पनि कोरोना संक्रमणबाट मृत्यु नभएको मन्त्रालयले जनाएको छ ।

योसँगै नेपालमा कुल कोरोना संक्रमितको संख्या २ लाख ७० हजार ५८८ पुगेको छ । यीमध्ये २ लाख ६५ हजार ३६५ जना निको भइसकेका छन्। हाल देशभर ३ हजार २०३ जना मात्र सक्रिय संक्रमित रहेका छन् ।

पछिल्लो २४ घण्टामा २९६ जना संक्रमित संक्रमणमुक्त भएको मन्त्रालयले जनाएको छ । उता हालसम्म २ हजार २० जना संक्रमितको मृत्यु भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।