९ माघ २०७७ , शुक्रबार

स्टोनका कारण डा भगवान कोइरालाको मिर्गौलामा समस्या, आकस्मिक शल्यक्रिया गरियो

हेल्थ टिभी अनलाइन\ काठमाडौं : वरिष्ठ मुटुरोग विशेषज्ञ एवं नेपाल मेडिकल काउन्सिलका अध्यक्ष डा भगवान कोइरालाको ह्याम्स अस्पतालमा बिहिबार आकस्मिक रुपमा शल्यक्रिया गरिएको छ ।

‘यूरिटेरल स्टोन’ मिर्गौला र पिसाब थैलीको वीचमा युरेटरमा भएको स्टोनका कारण उनको मिर्गौलामा समस्या देखिन थालेपछि र असह्य पीडा भएपछि आकस्मिक रुपमा शल्यक्रिया गरेर स्टोन निकालिएको अस्पतालका निर्देशक डा ज्योतिन्द्र शर्माले बताए ।

उनको स्वास्थ्य अवस्था अहिले भने सुधारोन्मुख रहेको समेत डा शर्माले जानकारी दिए । डा प्रेमराज ज्ञवाली, डा सुमन चापागाइँ लगायतको टोलीले उनको लेजर प्रविधिबाट शल्यक्रिया गरेका थिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।